+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Алматы облысында қару өткізгендерге 6 млн теңгенің өтемақысы төленді

2018 жылғы 5 қыркүйек 18:57
Бөлісіңіз:
Алматы облысында қару өткізгендерге 6 млн теңгенің  өтемақысы төленді

ТАЛДЫҚОРҒАН.ҚазАқпарат - Алматы облысының аумағында ұйымдастырылған акция аясында тұрғындар атыс қаруларын тәртіп сақшыларына тапсырды. Өз мәресіне жеткен шара барысында тұрғындар әртүрлі 147 қаруды өз еріктерімен өткізген, деп хабарлайды ҚазАқпарат тілшісі.

«Сәуір айынан бастап тұрғындардан қаруларды қабылдау-тапсыру және сатып алуды бақылайтын 20 комиссия жұмыс атқарды. Қаруды өз еркімен тапсырғандар үшін жалпы құны 6 миллион теңгенің өтемақысы төленді. Өткізілген қарудың көбі - тегіс ұңғымалы аңшы мылтығы. Дегенмен, арасында сирек кездесетін көне түрлері де бар. Бұл акция жайлы ақпарат өңірлік және аудандық БАҚ-та үнемі жарияланды. Қазіргі таңда полицейлер осы шараны бұдан әрі жалғастыру үшін қосымша 5 миллион теңге қаржы бөлуге сұраныс жолдады»,- деп атап өтті Алматы облыстық ІІД баспасөз қызметінен.

Шара барысында Талдықорған мен Сарқан қалаларының тұрғындары белсенділік танытып, ерікті түрде 50 жуық мылтық тапсырған. Мәселен, облыс орталығының бір тұрғыны өткізген 4 қаруға 200 мың теңгеден астам қаржы төленген.

Сонымен қатар, 79 адам қаруды заңсыз сақтағаны үшін әкімшілік жауапкершілікке тартылған. Оларға 4 миллион теңгеге жуық айыппұл салынды.

Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT