Алматы облысында екі театр ашылады

ТАЛДЫҚОРҒАН. ҚазАқпарат - Алматы облысының Нарынқол және Ұйғыр аудандарында халықтық театр ашылады, - деп хабарлайды ҚазАқпарат тілшісі.

Ұқсас жаңалықтар

Архимед Мұхамбетов жергілікті театр әртістерімен кездесті

Алдағы бес жылда Алматы облысында 5 млн 400 мың шаршы метр тұрғын үй салынады 95 жылдық мерейтой: Еліміздің тұңғыш театрына «ұлттық» мәртебе берілді Алматы облысындағы Бесағаш ауылында тұрғын үй кешені өртенді

Алматы облыстық Мәдениет, архивтер және құжаттама басқармасының басшысы Мәрлен Көлбаевтың сөзінше, Нарынқолдағы ұжымның өнерін қазан айының соңында тамашалау жоспарланған.

«Негізі жоспарға сәйкес Нарынқолдағы халықтық театрдың ұжымы өздерінің өнерлерін айдың соңында көрсетеді. Ол жер 15 штат сұрап отыр. Сол сияқты Ұйғыр ауданындағылар да осындай жоспарларын жеткізуде. Бірақ жыл соңы болғандықтан оған бюджет қарастырылмаған. Бірақ жыл басында қаражатты халықтық театрға қарастырамыз деп жоспарлап отырмыз», - деді Мәрлен Көлбаев.

Басқарма басшысының сөзінше, қазір Алматы облысында 6 халықтық театр бар. Олардың бірі Панфилов, Көксу, Ақсу аудандарында.

«Халықтық театр ол жалпы елді-мекендегі өнерлі жандардың бірігіп құрған топтары ғой. Біз әрине өз тарапымыздан қолдауға дайынбыз. 27-наурыз Халықаралық театр күніне орай жылда халықтық театр ұжымдарының басын қосып, өнерлерін көпшілікке тарту ету жоспарымызда. Биыл пандемияға байланысты мұндай шараны өткізе алмадық», - деді Басқарма басшысы.