+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Алматы облысында досын өлтіріп, денесін моншаға көмген күдікті ұсталды

2018 жылғы 5 қараша 16:31
Бөлісіңіз:
Алматы облысында досын өлтіріп, денесін моншаға көмген  күдікті ұсталды

ТАЛДЫҚОРҒАН.ҚазАқпарат - Алматы облысында досын өлтіріп, денесін жаңадан салынып жатқан моншаның ішіне көмген күдікті ұсталды. Қылмыс орнынан қашып кеткен азамат өзге облыс аумағында қолға түскен, деп хабарлайды ҚазАқпарат тілшісі.

Алматы облыстық полиция басқармасы баспасөз қызметінің мәліметінше, оқиға Есік қаласында болған. Мерт болған 31 жастағы азамат жеке үйінің жөндеу жұмыстарына көмектесу үшін танысын шақырған. Түнде екі достың арасында жанжал туындап, 34 жастағы жігіт танысын өлтірген. Қылмыстық әрекетін жасыру мақсатында марқұмның денесін құрылысы аяқталмаған моншасының ішіне көміп, еденді бетонмен құйып тастаған. Оқиға орнынан белгісіз бағытта бой тасалаған.

«Жедел іздестіру шаралары барысында тәртіп сақшылары күдіктіні Түркістан облысы аумағында қолға түсірді. Қазіргі таңда ол Еңбекшіқазақ ауданының уақытша ұстау оқшаулағышына қамалды. Бұл фактіге қатысты ҚР Қылмыстық кодексінің 99-бабына сәйкес сотқа дейінгі тергеу амалдары жүргізілуде»,- деп мәлім етті полиция басқармасының баспасөз қызметінен.

Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT