Алматы облысында былтыр 3 мыңға жуық адам қатерлі ісік ауруларына шалдыққан
Жыл бойы жалғасын тапқан профилактикалық ем-шараларының статистикасын алып қарасақ, қатерлі аурудан көз жұматындардың саны 59,9% құрап отыр. Облыстық көпсалалы клиника директоры Данияр Оразбекұлының айтуынша, бұл көрсеткіш 2018 жылмен салыстырғанда 2,1 % төмендеген. Сонымен қатар өмір сүру мерзімін 5 жылға ұзарту 54,9% көрсетіп тұр. Қатерлі ісік күннен күнге жасарып барады деп дабыл қаққан мамандар жыл сайын тұрақты түрде «ашық есік» күндерін өткізеді. Сондай-ақ ауылдық, оның ішінде шалғай елді мекендерге көшпелі мобильді мамандар тобын жіберіп, аурудың алдын алу жолдарына кіріскен. Мәселен, Текелі қаласы, Қаратал және Сарқан аудандарында 374 тұрғынды тексеруден өткізіп, оның ішінде 75 адамнан әр түрлі аурулардың патологиялық белгілерін анықтаған.