Алматы облысында бөгетті бұзып кетті
«Күннің екінші жартысында Алматы облысы Панфилов ауданында ауа температурасының көтерілуі және тау басында қардың қарқынды еруі аясында жауын-шашын салдарынан Бурақожыр өзенінде су деңгейі артты. Қаптан тұрғызылған 15 метрлік уақытша бөгет істен шықты. Көктал-Арасан кентінде өзен маңында орналасқан шаруашылық құрылыстарына қауіп төнген соң, 12 үйдің тұрғындары эвакуацияланды. Ағаш көпір де қирап қалды. Таңертеңге қарай өзен деңгейі екі есеге төмендеді», - деп хабарлады «Қазселденқорғау».
Бұдан басқа сол күні облыстың Еңбекшіқазақ ауданы Есік өзенін тексеру барысында «Қазселденқорғау» ММ мамандары «Шығыс-Энергия» ЖШС ГЭС-2 ауданында Есік автожолы - Есік өзенінің 9 шақырымында автожол көпірінің тірегі мен бөктерін су шайып кеткені анықтады.
Мұның себебі биік тауда қардың қарқынды еруі салдарынан Есік өзеніне судың мөлшерден тыс келуі болды.
Ақпарат шара қабылдау үшін ТЖД-ға, ауданы әкіміне, ҰҚК, АІІБ органдарына берілді.