Алматы облысында бір тәулікте 33 науқас коронавируспен ауруханаға түсті
Соның ішінде Алакөл ауданында – 3, Балқаш, Панфилов аудандары мен Талдықорған қаласында 2 жағдайдан, Қарасай, Ұйғыр аудандарында және Қапшағай қаласында 1 жағдайдан тіркелді.
Сондай-ақ өткен тәулікте 44 адам емделіп шықты. Өңір «жасыл» аймақта.
«6 желтоқсандағы жағдай бойынша өңірде 658 адам стационарлық ем қабылдауда. Бір тәулікте ауруханаларға 33 адам түсті. Өңірдің ауруханаларындағы төсек орындар саны – 1790. Төсек-орын жүктемесі – 36,7 %.Соңғы 3 күнде 5415 адамның коронавирус сынамасы зертханада тексерілді»,- делінген Алматы облыстық санитариялық-эпидемиологиялық бақылау департаментінің баспасөз қызметі таратқан хабарламада.
Ведомствоның ақпаратына сәйкес, Алматы облысы бойынша коронавирусқа қарсы вакцинаның 1-ші компонентін алғандар саны – 869 328.
Соның ішінде өткен күні екпе салдырғандар – 1536 адам.
Екпенің 2-ші компонентін 794 779 тұрғын ектірген, кеше бір күнде 690 адам вакцина алды.