USD 434.24 EUR 492.69
RUB 5.67 CNY 68.46
Jańalyqtar

Алматы облысында ата-анасыз қалған балалар қуыршақ сатып, кәсіптерін бастауда

2021 жылғы 29 қараша 14:57
Бөлісіңіз:
Алматы облысында ата-анасыз қалған балалар қуыршақ сатып, кәсіптерін бастауда

ТАЛДЫҚОРҒАН. ҚазАқпарат - Алматы облысында ата-анасыз қалған балалар қуыршақ сатып, кәсіптерін бастауда, - деп хабарлайды ҚазАқпарат тілшісі.

Ұқсас жаңалықтар
Семейде көлікке қыстырылып қалған екі адам құтқарылды Ақтөбеде 2 көлік соқтығысып, жолаушы көз жұмды Павлодарда мас жүргізуші ескерткішке соғылған

Талғар ауданы әкімінің баспасөз қызметінің мәліметінше, «Ковчег» мемлекеттік емес ата-анасының қамқорлығынсыз қалған балалар үйінің тәрбиеленушілері қуыршақты өз қолымен жасайды.

Жасөспірімдер матаны қырқу, кестелеп тігуді өз мойнына алса, кішкентайлары қай мультфильм кейіпкерінің қуыршақ болатынын таңдайды.

«Бұл жерде 2-18 жасқа дейін 41 бала бар. 27-сі қатарластары секілді мектепке барады, ал 3 бүлдіршінді балабақшаға берген. Біразының ата-анасы құқынан айырылған, ал біразынан бас тартқан. Мүгедек балалар да бар»,- делінген ведомствоның хабарламасында.

Әлі де келіп жатқандар бар. Айына 2-3 бала түседі дейді жетімдер үйінің тәрбиеленушілері.

«Жетімдер үйі жомарт жандардың арқасында күнелтеді. Бірақ осы соңғы жылда балалар қуыршақ жасап, сатып жүр. Өздеріне шын ниетпен көмек қол ұшын созғандарға тегін сыйлайды.

Сондай сыйлыққа Талғар ауданы әкімдігі ие болды.

Қазір тәрбиешілердің өтінішімен мемлекеттік емес жетімдер үйін жартылай мемлекеттік қылуға мәселе қарастырылып жатыр»,- деп толықтырды аталған ведомствоның баспасөз қызметінен.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT