Алматы облысында асыранды балаларды ұрып соққан қамқоршыға қатысты тексеріс басталды

ҚОНАЕВ. ҚазАқпарат - Әлеуметтік желіле асыранды балаларды ұрып соққан қамқоршыға қатысты видео тарады. Бұл жайтқа Алматы облысының білім басқармасы түсініктеме берді, - деп хабарлайды ҚазАқпарат тілшісі.

«Қазір балалар Іле ауданының Түймебаев ауылындағы «Солнышко» балалар үйіне орналастырылды. Балалардың тұрақты мекен-жайы анықталғанша, сол жерде болады. Балаларға қатігездік жасалған іс бойынша материал Іле ауданының прокуратурасына, кәмелетке толмаған балалардың құқығы бойынша комиссияға жолданды», - делінген Алматы облыстық білім басқармасының хабарламасында.

Айта кетейік, әлеуметтік желіде балаларды белгісіз әйел мен ер адамның қатыгездік көрсетіп жатқан видеосы тараған болатын. Анықталғандай, балаларды ұрып-соққан адам ата-ана қамқорынсыз қалған балалардың асыраушысы екені анықталды.

Облыстық білім басқармасының мәліметінше, аталған отбасы 4 баланы қамқорлығына алған.