Алматы облысында астан уланған 10 оқушының жағдайы белгілі болды

ҚОНАЕВ. ҚазАқпарат - Алматы облысының Еңбекшіқазақ ауданында астан уланған 10 оқушының жағдайы жақсы, олар ауруханадан шығарылды, деп хабарлайды ҚазАқпарат тілшісі.

«Еңбекшіқазақ ауданаралық көпсалалы ауруханасында ем қабылдаған 3 баланың денсаулығы жақсы. Олар ата-анасының қалауымен үйлеріне шығарылды. Балалар тұрғылықты мекенжайы бойынша дәрігердің бақылауына алынды», - деді Алматы облыстық Денсаулық сақтау басқармасы баспасөз қызметінің өкілі Ләйлім Әубәкірова.

Еске салайық,19 мамыр күні Еңбекшіқазақ ауданындағы Бәйтерек ауылында мектептің 10 оқушысы астан уланып, ауруханаға түскен болатын. Балалар 5-сыныпта оқиды.