Алматы облысында әлеуметтік маңызы бар азық-түлік бағасын қалай ұстап тұр
Алматы облысының кәсіпкерлік және индустриалды-инновациялық даму басқармасы облыста әлеуметтік маңызы бар азық-түлік бағасын тұрақтандыру мақсатында өнімдер дүкендер мен ірі супермаркеттерде белгіленген бағамен сатылып жатқанын хабарлады.
Өткен аптада және ай басынан бастап 19 түрлі әлеуметтік маңызы бар азық-түлік тауарларына баға индексі 100,1%-ды, жыл басынан бері 109,6%-ды құрады.
Алматы облысында 7 шілдедегі жағдай бойынша әлеуметтік маңызы бар азық-түлік тауарларының орташа бағасы:
– Бірінші сұрыпты бидай ұны – 179 теңге (көтерме саудада 25 кг, 50 кг қаптарда сатылады)
– Бірінші сұрыпты бидай ұнынан пісірілген нан – 155 теңге
– Түтік кеспе – 1 кг 219 теңге
– Күріш – 1 кг 249 теңге
– Қарақұмық жармасы – 1 кг 378 теңге
– Сұйық май – 1 литрі 694 теңге
– Тұздалмаған сары май – 1 кг 2 767 теңге
– Сиырдың жауырын-төс бөлігі – 1 кг 2 049 теңге
– Тауық еті (сан жілігі және жұмсақ еті бар жіліншік сүйек) – 1 кг 819 теңге
– 2,5% пастерленген сүт – 1 литр 209 теңге
– 2,5% айран – 1 литрі 216 теңге
– Сүзбе – 1 кг 1 092 теңге
– Картоп – 1 кг 201 теңге
– Сәбіз – 1 кг 286 теңге
– Пияз – 1 кг 89 теңге
– Ақбас қырыққабат – 1 кг 83 теңге
– Қант – 1 кг 260 теңге
– Жұмыртқа, I санат (10 дана) – 405 теңге
– Тұз – 1 кг 54 теңге