+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Алматы облысында 9 адам қар құрсауынан құтқарылды

2020 жылғы 21 қараша 14:20
Бөлісіңіз:
Алматы облысында 9 адам қар құрсауынан құтқарылды

ТАЛДЫҚОРҒАН. ҚазАқпарат - Алматы облысының ТЖ мамандары 9 адамды қар құрсауынан құтқарды, - деп хабарлайды ҚазАқпарат тілшісі.

Ұқсас жаңалықтар
21 маусымдағы күн райына болжам: Кей жерлерде жаңбыр, бұршақ жауып, қатты жел тұрады Түркістан облысында екі жеңіл көлік соқтығысып, 7 адам мерт болды Ақтөбедегі жол апаты: Аман қалған мектеп директорларының жағдайы ауыр

20 қарашада Алматы облыстық Төтенше жағдайлар департаментінің қызметкерлері республикалық маңызы бар «Үшарал-Достық» тасжолында құтқару жұмыстарын жүргізді.

Достық бекетіндегі №20 өрт сөндіру бөлімінің қызметкерлері «Ырғайты» мен «Жалаңашкөл» учаскелері арасында үш адамды қар құрсауынан құтқарды.

Сол күні кешке қарай 112 телефонына «Ырғайты» учаскесінің маңында адамдарды эвакуациялау қажеттігі туралы хабарлама түсті. Оқиға орнына Ақши ауылынан Алакөл өңірінің құтқарушылары барды. Олар 6 адамды, оның ішінде 1 баланы құтқарды. Құтқарылғандардың барлығы медициналық көмекке мұқтаж болмады.

Естеріңізге сала кетейік, «ҚазАвтоЖол» ҰК АҚ Алматы облыстық филиалы мен «Казахавтодор» ЖШС Алматы облыстық филиалының ақпараты бойынша 20 қарашада сағат 16.30-дан бастап қарлы боран салдарынан республикалық маңызы бар «Үшарал-Достық» жолында (84 шақырымнан 184 шақырымға дейін) көлік қозғалысы барлық транспорт түрлеріне жабылған болатын. Осы ақпаратты, Алматы облысының Төтенше жағдайлар департаменті тұрғындарға SMS, Darmen ұялы қосымшасы, ведомстволық сайттар мен әлеуметтік желілер арқылы ескерткен еді. Құтқарылған жолаушылар жолға, оның жабылғанына дейін шыққан екен.

Қыста жолдарда төтенше жағдайларды болдырмау үшін Төтенше жағдайлар департаменті ауа райының өзгеруін, метеорологиялық есептерді қадағалауға, 112 қызметінің SMS хабарламаларын назардан тыс қалдырмауға және егер ауа райы нашарлап, жолда көлік қозғалысына шектеу енгізілсе, жолға шықпау керегін ескертеді.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT