+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Алматы облысында 434 жасқа жұмыс табылды

2016 жылғы 2 қараша 17:52
Бөлісіңіз:
Алматы облысында  434 жасқа жұмыс табылды

ТАЛДЫҚОРҒАН. ҚазАқпарат - Талдықорғанда жастарға арналған бос жұмыс орындарының жәрмеңкесі өтті. Аталған шараға облыстың әр жерінен дипломдарын қолдарына алып, жұмыс табамын деген үмітпен 500-ге жуық адам келді, деп хабарлайды ҚазАқпарат тілшісі.

null
Аурухана, түрлі мекемелер мен кәсіпорындар жалпы саны 400-ден аса бос жұмыс орнын ұсынды. 434 жас жұмысқа орналасуға мүмкіндік алды. Оларға арнайы жолдама берілді.

«Енді жастардың жұмысқа тұрақты орналасуын жіті назарда ұстаймыз. 10 күннен кейін әр мекемеге хабарласып, маман жайлы пікірлерін береміз. Негізінде, жастардың жұмысқа орналасуы ол өздеріне байланысты», - дейді Алматы облыстық жастар ресурстық орталығының директоры Бақтияр Жақсыгелдинов.

null

Шараны Алматы облыстық жастар ресурстық орталығының қызметкерлері мен облыстық жұмыспен қамту орталығының өкілдері бірлесіп ұйымдастырды. Олардың айтуынша, өңірде шебер дәнекерлеуші және кәсіби аспаз тапшы.

Сонымен қатар, ұйымдастырушылар қазіргі таңда жастар арасында екі қолға бір күрек табу өзекті мәселе екенін алға тартты. Дегенмен, облыстық кәсіпкерлер мен мемлекет тарапынан ұсынылатын бағдарламалар арқылы бұл да өз шешімін тауып келеді. Мәселен, жыл басынан бері жастар тәжірибесінен 200-ден аса адам өткен. Қазір олардың тең жартысы тұрақты жұмыспен қамтылды.

null

Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT