+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Алматы облысында 15 жастағы оқушы ауыл тұрғынын қағып өлтіріп, қашып кеткен

2019 жылғы 1 ақпан 12:51
Бөлісіңіз:
Алматы облысында 15 жастағы оқушы ауыл тұрғынын қағып өлтіріп, қашып кеткен

ТАЛДЫҚОРҒАН. ҚазАқпарат - Алматы облысында 15 жастағы оқушы жаяу жүргіншіні қағып, мерт қылды деген күдікпен ұсталды. Көлік жүргізетін бірде-бір құжаты жоқ жасөспірім оқиға орнынан қашып кеткен. Қазір осы фактіге орай Қылмыстық кодекстің бірден үш бабы бойынша соталды тергеу басталды, деп хабарлайды ҚазАқпарат тілшісі.

Оқиға Ақсу ауданында болған. 30 қаңтар күні Жансүгіров ауылындағы көшелердің бірінен 54 жастағы жергілікті тұрғынның денесі табылған. Ер азаматтың дене жарақаттарынан көлік қаққаны белгілі болған және мүрде жатқан жерден көліктің сынықтары табылған.

«Жедел іздестіру барысында көліктің түсі және маркасы белгілі болды. Анықталғандай, «Хонда Одиссей» көлігін 15 жастағы жасөспірім тізгіндеп, адам өлімімен аяқталған оқиға орнынан қашып кеткен. Көліктен де жол-көлік оқиғасы болғанын айғақтайтын дәлелдер табылды. Қазір машина арнайы тұраққа қойылып, қажетті сараптамалар тағайындалды», - деп мәлімдеді Алматы облыстық полиция департаментінің баспасөз қызметінен.

Кісі өлімімен аяқталған осы фактіге орай қазір ҚР ҚК 345,347,349 баптары бойынша соталды тергеу басталды. Яғни, күдікті адам қағып, оқиға орнынан қашып кеткені үшін жауап берумен қатар, көліктің иесі де заң алдында жауап береді. Себебі, адам қаққан жасөспірімнің көлік жүргізуге рұқсат беретін ешқандай құжаты жоқ.

Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT