+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Алматы облысы 80 метрлік аумен балық аулаған браконьерлер ұсталды

2020 жылғы 18 шілде 03:12
Бөлісіңіз:
Алматы облысы 80 метрлік аумен балық аулаған браконьерлер ұсталды

ТАЛДЫҚОРҒАН. ҚазАқпарат - Алматы облысында 100 келіден астам тірі балық тәркіленді, деп хабарлайды ҚазАқпарат тілшісі.

Ұқсас жаңалықтар
«Елiм-ай» - Қазақстанның үздік табиғат қорғаушылары марапатталды Алматы облысында браконьерден тауешкінің еті мен екі мылтық тәркіленді

Алматы облыстық полиция департаменті баспасөз қызметінің мәліметінше, 17 шілдеде табиғатты қорғау полициясы балық шаруашылығы қауымдастығының өкілдерімен бірлесіп, бір топ браконьерді ұстады.

Іле ауданы Междуреченск ауылдық округінің Сарыбұлақ көлінде «белгісіз біреулер аумен балық аулап жүр» деген жедел ақпаратты ала салысымен табиғат қорғау полицейлері балық шаруашылығы қауымдастығы өкілдерімен бірге аталған жерге келіп жетті.

Олар автокөлік пен арқан арқылы судың ішінен балыққа толы торды алып шығып жатқан адамдарды қолға түсірді. Ұсталған 4 ер адам - Қарасай ауданының тұрғындары.

Тәртіп сақшылары заңсыз балық аулау процесін тіркеп, олардан 80 метр балық аулайтын ауды, 100 келіден астам тірі балықты, оның ішінде 70 келіден жоғары сазан және 30 келіге жуық мөңкенің тәркіледі.

Аталған дерек ҚР Қылмыстық кодекстің 335-бабы 3-бөлігі 4-тармағы бойынша тіркелді.

Заңсыз балық аулауға жұмылдырылған автокөлік соттың шешіміне дейін арнайы тұраққа қойылды. Күдіктілерге қатысты тұрғылықты жерлерінен кетпеуге және тиісті тәртіпті сақтау туралы бұлдартпау шарасы қабылданды.

Тәркіленген балық қабылдау пунктіне өткізілді.



Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT