Алматы коронавирусқа қарсы вакцинаның тағы екі траншын алады
Алматы қалалық қоғамдық денсаулық сақтау басқармасының мәліметінше, биылғы жылдың 1 ақпаны мен 8 сәуірі аралығында 49 160 адамға екпе салынды. Оның 12281-і вакцинаның екі компонентін де алған. Өткен тәулікте 1180 адам екпе салдырды.
Кешегі күні қалаға вакцинаның бесінші және алтыншы траншы - 18000 және 29000 доза жеткізілді. Жақын күндері вакцинаның 424 мың дозасы алынады.
Алматы емханаларында барлығы 198 вакцинация пункті ашылды. Сауда – ойын орталықтарда – 20. Сондай-ақ республика сарайында да орналастырылған. Жалпы мегаполисте екпе салатын 250 пункт жұмыс істейтін болады.
«Алматыда 2 млн-ға жуық тұрғын бар. Оның ішінде 18 жасқа дейінгі балалардың санын алып тастайтын болсақ, теориялық тұрғыдан алғанда, халықтың 50% вакцинациялауға болады. Гамалея институтының микробиология профессоры Александр Гинцбургтың айтуынша, коронавирусқа қарсы ұжымдық иммунитеті қалыптастыру үшін халықтың 75% иммундау қажет»,- деп хабарлады басқармадан.
Қазір қаладағы емханалар вакцина салдыруға ниетті барлық келушілерді тіркеуге алып, кезекке қойып жатыр.