+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Алматы əкімнің орынбасары жас дәрігерлерді ынталандыру жүйесін қарауды ұсынды

2015 жылғы 13 қараша 13:01
Бөлісіңіз:
Алматы əкімнің орынбасары жас дәрігерлерді ынталандыру жүйесін қарауды ұсынды

АЛМАТЫ. ҚазАқпарат - Алматы əкімнің орынбасары Арман Қырықбаев бүгін ҚР Денсаулық сақтау жəне əлеуметтік даму министрі Тамар Дүйсеновамен кездесу барысында қаланың медициналық қауымының басты аманатын министрге жеткізді.

Əкімнің орынбасары бірінші кезекте жас мамандарды ынталандыру жүйесін қарауды ұсынды.

«Кадр мəселесі бойынша, жас дəрігерлерге стимул жасалса. Мемлекеттік қызметкерлердің еңбекақысын төлеу моделімен таныстық. Одан өзге де жатақхана салу бойынша ынталандыру тетіктері қарастырылса. Сондай-ақ, орта медициналық персоналды дуалды оқыту жүйесі жетілдірілсе деген тілек бар. Жəне де дəрілік заттардың жетуі үлкен проблема болып отыр. Кейде сапасыз тауар жетеді, кейде уақыты ұзарып кетеді. Осы мəселені де қарауыңызға алуды өтінемін»,- деді Арман Қырықбаев.

Сондай-ақ, Арман Қырықбаев медициналық техникамен қамту кезінде Алматының ауқымы ескерілмейтінін жеткізді.

«Алматы аймақ бойынша медициналық қызметтің басым бөлігін атқарып отыр. Бұл медициналық құрал-жабдықпен қамтуға ақша бөлу кезінде ескерілмейді. Аталған мəселе бағдарламада көрініс таппаса да тыңғылықты қаралса екен»,-деді қала әкімінің орынбасары.
Өз кезегінде министр жаңа еңбекақы төлеу моделі арқылы медициналық кадрларды ынталандыру жүйесі өзгеретінін жеткізді.
«Ал дəрі-дəрмек мəселесіне келсек, СК «Фармация»-ға барлық аймақтарды аралау туралы тапсырма берілді. Олар жақында сіздерге де келеді. Осыған дейін 4 жеткізушіні сотқа бердік. Ал медициналық құрал-жабдыққа келсек, біз болашақта оны лизинг жүйесі бойынша алатын боламыз. Енді құрал-жабдықтың құнын медициналық ұйымдар тарифтың есебінен қайтаруы тиіс»,- деді министр.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT