12:41, 15 Тамыз 2022 | GMT +6
Алматы қалалық сотының ғимараты қоршалып, судьялар эвакуацияланды
АЛМАТЫ. ҚазАқпарат - Алматыда қалалық сот ғимаратынан барлық судьялар мен қызметкерлер эвакуацияланды, деп хабарлайды ҚазАқпарат тілшісі.
Бұл туралы қалалық сот мәлім етті.
«Бүгін Алматы қалалық соты кіріс кеңсесінің поштасына түрлі сипаттағы қоқан-лоққы жазылған хабарлама келіп түсті. Осыған байланысты қазіргі уақытта сот ғимараты тексеріліп жатыр. Сондықтан, сот процестері кейінге шегерілді», - делінген хабарламада.
Қазіргі уақытта қалалық соттың ғимараты қоршауға алынып, судьялар эвакуацияланды.
Еске салсақ, мегаполистегі орталық қалалық клиникалық ауруханаға жарылғыш зат қойылғаны туралы шұғыл ақпарат түскенн болатын.