USD 434.34 EUR 491.93
RUB 5.56 CNY 68.67
Jańalyqtar

Алматы қалалық дене шынықтыру және спорт басқармасын Н. Нұров басқаратын болды

2015 жылғы 1 қазан 14:25
Бөлісіңіз:
Алматы қалалық дене шынықтыру және спорт басқармасын Н. Нұров  басқаратын болды

АЛМАТЫ. ҚазАқпарат - Алматы қалалық дене шынықтыру және спорт басқармасына жаңа басшы келді. Алматы әкімінің орынбасары кеше 48 жастағы Наиль Нұровты басқарма ұжымына таныстырды. Бұл туралы қалалық басқармадан хабарлады.

«Қазір ол кісі өз міндетін атқаруға кірісіп кетті. Бірақ, мемлекеттік қызметке қабылдау жүйесіндегі тәртіптерге байланысты әлі де құжат жинап жатыр. Ресми түрде қабылданған жоқ», - деді басқармадан.

Жаңа басшы Астанадағы «Алау» мұз айдыны сарайын басқарып келген. Оның алдында «2011 Азиада ойындарын және Олимпиада алауын ұйымдастыру және өткізу қалалық дирекцясы» мемлекеттік кәсіпорнында басшылық қызметте болған.

Айта кету керек, басқарманы осыған дейін 8 жыл бойы басқарып келген Хайырболат Хайдаров осыдан бірнеше күн бұрын өз еркімен қызметінен кеткен болатын.


Фото с сайта alau.info

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT