Алматы денсаулық сақтау басқармасының басшысы қызметінен босатылды

АЛМАТЫ. ҚазАқпарат - Алматыда Денсаулық сақтау басқармасының басшысы Серікбол Мусинов қызметінен босатылды, деп хабарлайды ҚазАқпарат тілшісі әкімдіктің баспасөз қызметіне сілтеме жасап. 

Серікбол Мусинов қалалық басқарманы былтырғы қарашадан бері басқарып келген болатын.

С.Мусинов қызмет жолын Шығыс Қазақстан облысы Аягөз аудандық ауруханасында интерн дәрігер болып бастаған. 

Әр жылдары Семей облысы Денсаулық сақтау басқармасының басшысы, Астана қаласы фармацевтикалық бақылау басқармасының басшысы, Маңғыстау облысы денсаулық сақтау басқармасының басшысы қызметтерін атқарған.