Алматы әуежайында шу шығарған жолаушы рейстен алынды
«Алматы әуежайы» АҚ баспасөз қызметінің хабарлауынша, тәртіп бұзған жолаушы деструктивті әрекеті үшін рейстен алынып тасталды.
Сонымен қатар, Алматы-Атырау бағытындағы КС885 рейсі жоспарланған резервтегі ұшақтардың жоқтығынан бөгеліп ұшты.
Алматы-Бангкок бағытындағы КС931 рейсінің ұшағынан техникалық ақау табылған соң, орнына басқа ұшақ ауыстырылды. Соның кесірінен аталған рейс уақытынан кешігіп ұшты.
Сондай-ақ, Scat әуе компаниясының Алматы-Өскемен бағытындағы DV725 рейсі, Алматы-Қостанай бағытындағы DV729 рейсі, Алматы-Шымкент бағытындағы DV706 рейсі ұшақтың кешігіп келуіне байланысты бөгелді.
Қазір Алматы әуежайында вертикалды көрініс 1100 м, горизонтальды көрініс 10 000м. Ұшақтарды қабылдап, ұшыруға шектеу жоқ.
Иллюстративное фото из открытых источников