16:34, 27 Қараша 2014 | GMT +6
Алматы әуежайында ондаған рейс кешігуде
АЛМАТЫ. ҚазАқпарат - Алматы халықаралық әуежайында қолайсыз ауа райына байланысты бірнеше рейс 5-9 сағатқа кешігуде. Бұл туралы «SCAT» әуе компаниясының Фейсбуктағы парақшасында жазылған.
Қарашаның 26-сынан 27-сіне қараған түні оңтүстік астананың аспанын қалың тұман басқан еді. Қолайсыз метеорологиялық жағдайға байланысты «SCAT» әуе компаниясының Алматы - Қарағанды - Алматы, Алматы - Өскемен - Алматы, Алматы - Семей - Алматы, Алматы-Жезқазған-Алматы и Алматы - Тараз - Алматы бағытындағы рейстері әуеге көтеріле алмай отыр.
Әуе компаниясы келтірілген ыңғайсыздықтары үшін кешірім өтінуде. Баспасөз қызметінің хабарлауынша, әуежайда отырған жолаушыларға тағам таратылған.