+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алматы әуежайында оқ-дәрі алып өтпек болған әйел ұсталды

2018 жылғы 26 қазан 11:02
Бөлісіңіз:
Алматы әуежайында оқ-дәрі алып өтпек болған әйел ұсталды

АЛМАТЫ. ҚазАқпарат - Алматы әуежайында патрон алып ұшпақ болған әйел ұсталды, деп хабарлайды ҚазАқпарат Алматы қалалық сотының сайтына сілтеме жасап.

Алматы қаласының Түрксіб аудандық сотында тауып алған оқ-дәріні заңсыз сақтағаны үшін А.-ға қатысты қылмыстық іс қаралды.

2018 жылғы 31 мамыр күні сағат 13:00 шамасында А. Алматы қаласының «Жұлдыз-1» ықшам ауданындағы «Балнұр» сұлулық салонының жанынан жерден бір дана оқ тауып алып, сөмкесіне салған. Сол күні, сағат 13:50 шамасында А. Астана қаласына ұшу үшін әуежайға келеді. Сағат 14:15-де әуевокзал ғимаратындағы тексеру аймағынан өту барысында рентген аппараты әйелдің сөмкесінде патрон бар екенін көрсеткен.

Сарапшының қорытындысы бойынша, ол әскери патрон екені әрі атуға жарамды екені анықталды.

Сөйтіп, А. оқ-дәріні заңсыз иемденіп, сақтап және тасымалдаған.

Сот отырысында сотталушы А. өз кінәсін мойындап, өкінетінін айтты.

Сот үкімімен А. Қазақстан Республиксының Қылмыстық кодексінің 287-бабының 3-бөлігіне сәйкес айыпты деп танылып, 1 жыл мерзімге бас бостандығын шектеу жазасы белгіленді.

Үкім заңды күшіне енді.

Біздің каналымызға жазылыңыз:

Бөлісіңіз:

Автор:

Нұрлан Тұяқов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT