18:37, 30 Қыркүйек 2021 | GMT +6
Алматы әуежайында қауіпсіздік шаралары күшейтілді
АЛМАТЫ. ҚазАқпарат - Алматы әуежайында тексеріс күшейтіледі. Жолаушылардың енді рейске ертерек келгені жөн, деп хабарлайды ҚазАқпарат тілшісі.
1 қазаннан бастап Алматы халықаралық әуежайында тексеріс күшейтіледі. Яғни, әуежайға кіре берістегі терминалда қосымша тексеру желісі қойылады.
«Қазақстанның авиациялық әкімшілігінің өкімі бойынша 1 қазаннан бастап, жедел-алдын алу іс-шараларын жүргізуге байланысты Алматы халықаралық әуежайында авиациялық қауіпсіздікті күшейту шаралары енгізілуде. Кіре берісте терминалға қосымша тексеру желісі қойылады», - делінген ресми хабарламада.
Жолаушыларға рейстеріне кешігіп қалмас үшін әуежайға ертерек келу ұсынылды.