Алматы әуежайында бірқатар рейстердің ұшу уақыты кешіктірілді

АЛМАТЫ. ҚазАқпарат - Алматы Халықаралық әуежайынан бірқатар рейстердің ұшуы кешіктірілді, деп хабарлайды ҚазАқпарат тілшісі әуежайдың баспасөз қызметіне сілтеме жасай отырып.

«14-15 наурыз күнгі сағат 08:00 жағдай бойынша Халықаралық Алматы әуежайында «Скат» ӘК-ның DV781 Алматы-Қарағанды (Қарағанды қаласындағы метео жағдайға байланысты), «Скат» ӘК-ның DV737 Алматы-Петропавл (ұшақтың кешігіп келуі) және «Эйр Астана» ӘК-ның KC401 Алматы-Киев (техникалық себептерге байланысты) бағыттары бойынша рейсті орындайтын ұшақтар кешігіп жөнелтілді», - делінген хабарламада.

Айта кетейік, әуежай мәліметі бойынша бірде бір рейстің ұшуы тоқтатылған жоқ.

Қазіргі уақытта Халыкаралық Алматы әуежайында әуе кемесін қабылдауға және ұшып шығаруға шектеу жоқ.