17:25, 05 Желтоқсан 2014 | GMT +6
Алматы әуежайынан жарылғыш зат табылмады
АЛМАТЫ. ҚазАқпарат - Алматы халықаралық әуежайынан жарылғыш зат табылмады. Бұл туралы әуежай жанындағы Желілік полиция басқармасының кезекші бөлімінде хабарлады.
«Хабарлама жалған болып шықты. Жарылғыш зат табылған жоқ. Әуежай штаттық режимде жұмыс жасап жатыр», - деді кезекші бөлімде.
«Рейстердің қозғалысы қайта қалпына келтірілді. Қазір ұшақтар келіп жатыр», - деді анықтама бөлімінен.
Естеріңізге сала кетейік, бүгін түстен кейін 102 нөміріне Алматы әуежайында жарылғыш зат қойылғаны туралы ақпарат түскен болатын.