Алматы әуежайы тұрағының төлем тарифі көтерілді
Алматы Халықаралық Әуежайы АҚ фейсбуктегі парақшасында мәлімденгендей, 2018 жылдың 3 шілдесінен бастап тұрақ құны өзгерді.
Ал Алматы Халықаралық Әуежайы АҚ маңында вокзалжанындағы ашық тұрақ құны өзгерген жоқ.
Вокзал жанындағы жабық тұрақ кешенінде тұрақ құны 300-2000 теңге көлемінде болмақ.
Ақы тұраққа ұзақтығына қарай есептеледі. Көлік 15 минут тұрса тұрақ тегін болмақ.
«Әуежай маңында жұмыс істейтін тұлғалар үшін тұрақ құны айына 36000 тг болады. 6 айлық төлем 180000 тг мөлшерінде. Бір немесе одан көп көлік қоятын ұйымдар 1 орынға 30000 тг төлейді. Жолаушылар терминалы иелері айына 1 тұрақ орнына 27000 тг төлейді. Жоғалған талонды қалпына келтіруге 500 тг төленеді», - делінген хабарламада.
Ал Майлин 1в мекенжайындағы тұраққа көлік қою үшін ұзақтыққа байланысты 200-1000 тг төлеуге тура келеді.
Алғашқы 15 минут тегін. Ал жоғалған талонды қалпына келтіру 1500 тг тұрады.