Алматы әкімінің орынбасары атышулы түнгі клубты өз бақылауына алды
Қала жастарының сүйікті және танымал түнгі клубына байланысты тұрғындардан жиі шағым түседі.Қоғамдық кеңес мүшелеріне осы мәселені түбегейлі шешу керек деп отыр.
« Sky Bar клубына қатысты шара қолданамыз.Бақылауда ұстаймыз. Сол жерге барып бәрін өз көзімізбен көреміз»,- дейді Е.Әукенов.
Сондай-ақ, қала әкімінің орынбасары жол-көлік оқиғаларының басым бөлігіне осы түнгі клубтан шыққандар кінәлі екенін баса айтты.
« Біз Алматы қаласының түнгі өміріндегі қауіпсіздікті қамтамасыз етуіміз керек. Қайғылы оқиғалардың көпшілігі түнгі клубтар мен ойын-сауық орындарынан шыққаннан кейін орын алады. Мұны қоғам өте ауыр қабылдайды. Сондықтан,ең алдымен барлық бейнебақылау камераларын біріктіру керек »,- деді ол.
Бұдан бөлек, Алматы қаласы әкімінің орынбасары қоғамдық кеңесте «Ақылды» бағдаршам және алимент төлеуден жалтарғандарға қатысты да айтқан болатын