+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Алматы әкімі Әуезов ауданының инфрақұрылымдық даму барысымен танысты

2021 жылғы 11 маусым 10:17
Бөлісіңіз:
Алматы әкімі Әуезов ауданының инфрақұрылымдық даму барысымен танысты

АЛМАТЫ. ҚазАқпарат - Алматы қаласының әкімі Бақытжан Сағынтаев Әуезов ауданының инфрақұрылымдық даму барысымен танысты, деп хабарлайды ҚазАқпарат тілшісі.

Жандосов – Саин - Шаляпин – Қарғалы өзені көшелерінің бойында орналасқан сегіз ауданда қалалық сумен жабдықтау және су беру желілері жоқ. Мұнда 65 көпқабатты және 847 жеке үй бар, барлығы 11, 2 мың абонент.

Осыған байланысты қала әкімінің тапсырмасы бойынша орталықтандырылған сумен жабдықтау және су бұру жүйесінің құрылысының жобалық-сметалық құжаттары жасалады. Сумен жабдықтау желісінің ұзындығы – 74 шақырым, су бұру желісінің ұзындығы - 35 шақырым.

Алматы әкімі сонымен қатар ауданның әлеуметтік инфрақұрылымының даму қарқынын тексерді. «Мамыр» шағын ауданында №18 емханаға қарасты амбулатория бар. Үй-жайдың тар болуына байланысты сапалы медициналық қызмет көрсету мүмкін емес. Бақытжан Сағынтаевтың тапсырмасымен күзде аталған шағын ауданда 200 келушіге арналған жаңа отбасылық-дәрігерлік амбулаторияның құрылысы басталады. Ол 2022 жылы көктемде пайдалануға беріледі деп жоспарланған.

Бақытжан Сағынтаев сондай-ақ №4 шағын аудандағы №6 емханада жүргізілген күрделі жөндеулерге баға берді. 1965 жылы салынған ғимаратты жөндеу кезінде сүзгілер мен желдету жүйелерінің болуына арналған заманауи стандарттар ескерілді. Бүгінде 58 мың адамға қызмет көрсететін емхана 88% медициналық жабдықтармен жабдықталған. КТ және МРТ аппараттарын жеткізу күтілуде, содан кейін жабдықтар 100% құрайды.

Әкім вакцинация бөлмесін қарап шықты. Емханаға тіркелген тұрғындардың 10 мыңнан астамы коронавирусқа қарсы вакциналанған.

Қала әкімі вакцина алып, 30 минуттық бақылауда болған алматылықтармен сөйлесіп, оларға денсаулық тіледі.

«Ақсай-2» шағын ауданында №121 мектептің жаңа ғимаратының құрылысы аяқталуда. 450 орынды ғимаратта әрлеу жұмыстары жүргізілуде. Мұнда 1-4 сынып оқушылары білім алатын болады. Сыныптардың жаңа бөлмелерін қарап шыққан қала әкімі пайдаланылатын материалдардың сапасына баса назар аударуды, сонымен қатар қасбетін безендіру кезінде ашық түстерді қолдануды тапсырды.

Жалпы, Әуезов ауданында 3,6 мың орындық мектептердің бес жаңа корпусы салынуда.

Сондай-ақ Б.Сағынтаев «Мамыр-1» шағын ауданындағы «Бюджетке қатысу» жобасы аясында жүргізілген аулаларды абаттандыру жұмыстарының сапасын тексерді. Жақын маңдағы үйлердің тұрғындары жөндеу кезінде ескерілетін спорттық және ойын алаңдарына қатысты тілектерін білдірді. Қала әкімі тұрғындарға бос уақытты өткізуге қолайлы жағдай жасау мақсатында жұмысты жеделдетуді тапсырды.

Мегаполис әкімі Ясауи және Төле би көшелері бойындағы жаяу жүргіншілер аймақтарын, «Бюджетке қатысу» жобасы аясында абаттандырылған Шаляпин және Саин көшелері бұрылыстарының аумақтарын аралап көрді. «Бюджетке қатысу» бойынша ауданда 22 жоба жүзеге асырылуда.

Биыл №3 және №6 шағын аудандардағы 73 аула аумағын күрделі жөндеу басталды. «Бюджетке қатысу» шеңберінде аулаларды абаттандыруға қатысты 16 жоба таңдалды.

Ауданда Момышұлы көшесі бойындағы Шаляпин көшесінен Райымбек даңғылына дейінгі жаяу жүргіншілер жолы орташа жөндеуден өтіп жатыр. Жұмыстың барысымен танысқаннан кейін Бақытжан Сағынтаев аумақтарды көгалдандыруға назар аударуды тапсырды.

Сонымен қатар, ол Сайран көлінің айналасын абаттандыру жобаларымен де танысты.

Мегаполис әкімінің тапсырмасы бойынша қалыптасқан экожүйені бұзбай, аумақты серуендеу, белсенді және жайлы демалыс аймақтарына бөлу қажет.


Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT