+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Алматы әкімі ардагерлерге көмек көрсетуді тапсырды

2021 жылғы 13 мамыр 14:41
Бөлісіңіз:
Алматы әкімі ардагерлерге көмек көрсетуді тапсырды

АЛМАТЫ. ҚазАқпарат - Алматы әкімі Бақытжан Сағынтаев азаматтарды қабылдады, деп хабарлайды ҚазАқпарат тілшісі.

Ұқсас жаңалықтар
Майданда қаза тапқан Қарқаралы жауынгерінің сүйегі Отанына қайтарылды Алматыда көліктен шығатын зиянды заттардың көлемі 10 мың тоннаға азайды Сағынтаев алматылықтарды коронавирустан вакцинамен қорғануға шақырды

Онлайн форматта өткен қабылдау кезінде қала тұрғындары тұрғын үй қатынастарына, мәдениет саласын қолдауға және коммуналдық секторды дамытуға қатысты сұрақтар қойды.

Қабылдауға қатысқандар арасында жекешелендіру құқығынсыз мемлекет бөлген жалдамалы пәтерде тұратын соғыс ардагері Геннадий Васильевич Новоленов та болды.

Оның өтініші бойынша қала әкімі Бақытжан Сағынтаев тұрғын үй саясаты басқармасына коммуналдық қордан жекешелендіру құқығы бар баламалы пәтер табуды тапсырды.

Галина Бигелдинованың өтініші бойынша Т. Бигелдинов атындағы халықаралық қайырымдылық қорына қолдау көрсету мүмкіндігі қарастырылды.

У. Мұхаметқалидің жобасы – Dаlаgrам қосымшасын іске асыру үшін венчурлік қор тарапынан көмек көрсетудің жолдары іздестіріледі.

«Сазген сазы» фольклорлық-этнографиялық ансамблінің көркемдік жетекшісі Б. Тілегенов биыл 40 жасқа толатын ұжымның шығармашылығы, даму кезеңдері мен шығармашылық жобалары туралы айтты.

Алматы әкімнің тапсырмасы бойынша қаланың мәдениет басқармасы ансамбльдің материалдық-техникалық базасын, музыкалық аспаптары мен костюмдерін жаңарту жоспарын әзірлейтін болды.

Энерготиімділік және инфрақұрылымдық даму басқармасына В.Славиковскийдің жылу желілерінің энергия тиімділігін арттыру жөніндегі ұсыныстарын қарау тапсырылды.

Сонымен қатар, жасыл экономика басқармасы Бақытжан Сағынтаевтың тапсырмасы бойынша «Атакент» көрме орталығының аумағын кешенді абаттандыру, көгалдандыру және жөндеу бойынша жоспар дайындайды.

Орталық директоры М. Мақыпова көрме шараларын өткізуге рұқсат беруді өтінді.

Алматы қаласының бас мемлекеттік санитарлық дәрігерінің қолданыстағы қаулысына сәйкес «Ашық» жобасы аясында көрме ұйымдарына жұмыс жасауға рұқсат берілген.

Тек санитарлық-эпидемиологиялық қауіпсіздік талаптарын сақтай отырып, «Атакент» қажетті шараларды өткізе алады.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT