Алматы әкімдігі кейбір тұрғындарға 42500 теңге неге берілмегенін түсіндірді

АЛМАТЫ. ҚазАқпарат – Алматыда қалалық Әл-ауқат басқармасының басшысы Рахат Шимашева 275 тұрғынға неге 42500 теңге көлемінде әлеуметтік көмек берілмегенін түсіндірді, деп хабарлайды ҚазАқпарат тілшісі.

«Алғашқы күндері өтініштер ағыны көп болғанда ескерту жасалды. Көпшілігі форманы дұрыс толтырмаған. Оның ішінде деректер дұрыс көрсетілмеген. Қалада тегі ұқсас адамдар өте көп. ЖСН, есеп шот нөмірін дұрыс көрсету қажет еді. Осындай дұрыс толтырылмаған 275 өтініш кері қайтарылды. Олар қателерін жөндеп қайта тапсырса болады», - деді Р.Шимашева.

Оның айтуынша, әлеуметтік көмекке тапсырған тұрғындарға 3 жұмыс күнінің ішінде СМС арқылы жауап келеді.