Алматы әкімдігі дизельдік отын мәселесін шешуде
2022 жылғы 16 тамыз 10:19

Алматы әкімдігі дизельдік отын мәселесін шешуде

АЛМАТЫ. ҚазАқпарат- Алматы қаласының әкімдігі Энергетика министрлігімен бірлесіп, ірі жанармай құю станцияларының желілеріне дизельдік отынның үздіксіз жеткізілуін қамтамасыз етуге көмек көрсетіп жатыр, деп хабарлайды ҚазАқпарат тілшісі.

Мегаполистегі жанармай құю станцияларына дизельдік отын үш қазақстандық мұнай өңдеу зауытынан (Павлодар, Атырау, Шымкент) жеткізіледі.

«Алматы қаласының Кәсіпкерлік және инвестициялар басқармасы көтерме жеткізушілермен бірлесіп, тұрғындарды қажетті көлемде дизельдік отынмен қамтамасыз ету мәселесін пысықтауда. Дүрбелеңді болдырмау мақсатында мұнай базалары мен жанармай құю бекеттеріндегі дизельдік отынның келісім-шарттық көлемдерінің қорларына тұрақты мониторинг жүргізілуде, жол бойында дизельдік отынмен қамтамасыз етуде іркілістерді болдырмау үшін «ҚТЖ» ҰК» АҚ-мен келісім бар. Мегаполисті дизельдік отынмен қамтамасыз ету мәселесі ерекше бақылауда», - деп хабарлады әкімдіктен.

Қалада тұтыну көлемінің өсуі басқа аймақтардан келетін ауыр транзиттік көлік иелерінің дизельдік отынға сұранысының артуына байланысты орын алған.

Бүгінде Алматыда 220 жанармай құю бекеті жұмыс істейді. Оның 80 проценті алты ірі компанияға тиесілі.


Фото: economictimes.indiatimes.com



Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT