Алмас Садубаев Қорғаста шекарашының соққыға жығылуына қатысты түсініктеме берді

АСТАНА. ҚазАқпарат - ҚР Ішкі істер министрлігінің ресми өкілі Алмас Садубаев әлеуметтік желідегі әскери қызметшінің соққыға жығылғаны бейнеленген видеоға қатысты түсініктеме берді, деп хабарлайды ҚазАқпарат тілшісі.

«Видеодағы оқиға «Қорғас» халықаралық шекара маңы ынтымақтастығы орталығының аумағында болған. Алматы облысының тұрғыны шекара қызметінің әскери қызметшісіне күш қолданып, оның бетінен жұдырығымен ұрып жіберген. Қазіргі уақытта бұзақы ұсталып, оқиғаның мән-жайы анықталып жатыр», - деді Алмас Садубаев.