+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Алма-Арасан шатқалы өртенді

2020 жылғы 21 қазан 10:48
Бөлісіңіз:
Алма-Арасан шатқалы өртенді

АЛМАТЫ. ҚазАқпарат – Өрт сөндірушілер Алма-Арасан шатқалынан шыққан өртті оқшаулады, деп хабарлайды ҚазАқпарат тілшісі.

«Бүгін 21 қазан күні таңғы сағат 5:46- да Алматы қалалық Төтенше жағдайлар департаментінің табиғи өрттерге жедел әрекет ету жасағы экопосттың жоғары жағындағы Алма-Арасан шатқалына шақыру бойынша жоғары деңгейге жіберілді. Кіру жолдарының жоқтығынан жасақ жаяу жүрді. Оқиға орнына жеткенде таудың басында, 1,5 гектар аумақта қураған ағаштар мен шыршалар жанып жатқан. Бірден Солтүстік, оңтүстік-шығыс және батыс жағынан 3 өрт сөндіру алаңы орналастырылды. Қызыл жалынды ауыздықтау үшін «Ермак» өрт сөндіргіш құралы қолданылды»,– деп хабарлады ведомствадан.

Шұғыл қабылданған шаралардың арқасында, сағат 08: 02-де оңтүстік-шығыс пен батыс жағы өрттен оқшауланды.

Өртті сөндіруге 71 қызметкер жұмылдырылды. Олардың ішінде 30 өрт сөндіруші, 7 техника бар.

Қазіргі уақытта оттың жеке ошақтарын сөндіру жұмыстары жұмыстары жүргізілуде. Өрт сөндірушілер орманды алқапты қорғап қалды.

ҚР Төтенше жағдайлар министрлігі азаматтарды дала және орман алқаптарында болған кезде қауіпсіздік ережелерін сақтауға шақырады. Орманды дала өрттерінің негізгі себептері - тұрғындардың отқа немқұрай қарауы. Сондай-ақ, от жағушылар мен өрттің шығуына себепкер болғандар әкімшілік жауапкершілікке, ал үлкен шығын келтірілген жағдайда Қазақстан Республикасының Қылмыстық кодексіне сәйкес қылмыстық жауапкершілікке тартылатындығын еске салады.
Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT