Алина Әділханова көркем гимнастикадан Азия чемпионатында екі күміс жүлде алды

ТАШКЕНТ. ҚазАқпарат - Өзбекстан астанасы Ташкентте көркем гимнастикадан лицензиялық Азия біріншілігі өтіп жатыр. Жарысқа Қазақстан атынан Алина Әділханова мен Адиля Тілекенова қатысты, деп хабарлайды ҚазАқпарат Olympic.kz-ке сілтеме жасап.

Шығыршықпен жаттығуда Алина 23.05 ұпаймен күміс медаль иеленді. Бұл бағдарлама бойынша өзбекстандық Тахмина Икромова топ жарса, қола жүлдені қытайлық Ятинг Жао жеңіп алды.

Доппен жаттығуда да Әділханова алтынға қол созым жерден тоқтады. Ол 23.70 ұпаймен күмісті қанағат тұтты. Алтын медальді өзбекстандық Екатерина Фетисова, қоланы Оңтүстік Корея өкілі Чеон Ким еншілеген.

Адиля Тілекенова шығыршықпен жаттығуда 5-ші, доппен жаттығуда 6-шы орын иеленді.