+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Алимент төлемей жүрген СҚО тұрғынын полицейлер Ресейден тапты

2020 жылғы 25 қыркүйек 01:37
Бөлісіңіз:
Алимент төлемей жүрген СҚО тұрғынын полицейлер Ресейден тапты

ПЕТРОПАВЛ. ҚазАқпарат – Солтүстік Қазақстан облысының тәртіп сақшылары екі жыл бойы алимент төлеуден жалтарып келген ер адамды Ресейдің Омбы қаласынан тапты, деп хабарлайды ҚазАқпарат тілшісі.

Ұқсас жаңалықтар
Елорда тұрғыны алимент қарызын өтеу үшін балаларына үйін босатып берді

СҚО Полиция департаменті баспасөз қызметінің мәліметінше, миграциялық қызмет басқармасының мамандары үш күннің ішінде алимент төлеуден жалтарып жүрген және борышкер 13 адамның жүрген жерін анықтады.

Борышкерлердің бірі Ресейдің Омбы қаласынан табылды. Уәлиханов ауданының 36 жастағы тұрғыны 2018 жылдан бері баласына алимент төлемеген. Ол жайында мәлімет қарызды өндіріп алу үшін сот орындаушыларына берілді.

«Іздеудегі адамның басқа мемлекетте жүргені анықталған жағдайда оған халықаралық іздеу жарияланады. Борышкер жүрген елге ол жайында бағыттама беріледі және іздеу шаралары жолданады», - дейді СҚО ПД миграциялық қызмет басқармасының аға инспекторы Еділ Қазиев.

Үш күннің ішінде тәртіп сақшылары балаларына қарыз 7 адамның және 5 борышкердің, сондай-ақ туыстарымен байланыс үзген 1 адамның жүрген жерін анықтады. Жамбыл ауданы Украинское елді мекенінің тұрғыны екі жылдан артық жиенінен хабар алмаған. Полицейлер әйелдің арызы бойынша ер адамды Петропавлдан тауып, оған ауылдағы туысының байланыс нөмірлерін берді.

Қазір СҚО-да алимент төлеуден жалтарған 16 адам іздестіріліп жатыр. Тәртіп сақшылары бұдан басқа 32 борышкерге және туыстарымен байланысы үзілілген 17 адамға іздеу жариялады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT