Қолданушы баптаулары
Қолданушы баптаулары
+7 (701) 759 90 19 Лента
USD 366.43 EUR 420.11
RUB 5.58 CNY 52.87
Жаңалықтар

Алик Шпекбаев адал мемқызметшілердің санын жариялады

2018 жылғы 14 маусым 17:32 845
Бөлісіңіз:
Алик Шпекбаев адал мемқызметшілердің санын жариялады

АСТАНА. ҚазАқпарат - ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев адал жұмыс істейтін мемқызметшілердің санын жариялады, деп хабарлайды ҚазАқпарат тілшісі.

Ұқсас жаңалықтар
Мемлекеттік әкiмшiлiк лауазымнан үміткерлердің құқығын бұзғандар жазаға тартылды Маңғыстаудың қай саласында жемқорлық фактілері көп

«Меніңше, мемлекеттік қызметшілердің 99 проценті адал жұмыс істейді. Олар өз қызметіне жауапты, жұмысына адал. Ал кейбір мемлекеттік қызметшілер заңсыз пайда тауып, қылмысқа барып жатады. Әрине, біз ондай адамдарды заң бойынша жауапқа тартамыз. Бірақ солардың кесірінен барлық мемлекеттік қызметшілердің беделіне нұқсан келеді, бәріне көлеңке түседі», - деді А.Шпекбаев ҚР Президенті жанындағы Адам құқықтары бойынша комиссияның кеңейтілген отырысында.

Айта кетейік, бүгінгі отырыста ҚР Парламенті Сенатының депутаты Бірғаным Әйтімова мемлекеттік қызметке жаңадан келетін мамандарды жемқорлықтан қорғау қажеттігін жеткізді. «Бізде мемлекеттік қызметшілерді көп жамандайды. Басқа елде ондай жоқ сияқты. Енді, жемқорлықпен күресіп келе жатырмыз ғой. Бірақ 100 мың мемлекеттік қызметші армиясының барлығы бірдей пара алмайтын шығар. Мәселен, бір облыста тұтас бір әкімдіктің қызметкерлері сөгіс алып шыққан. Меніңше, ондай әрекеттердің бәрін жан-жақты зерделеп, сыбайлас жемқорлыққа келе ме, жоқ па, соны анықтап алған жөн. Өйткені жаңадан келген қызметкерлер көп нәрсені білмей жатады, қателік жасайды және тағысын тағы. Оны да ескеру керек», - деп атап көрсетті Б.Әйтімова.

 

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат