Әлихан Смайылов қырғызстандық әріптесімен телефон арқылы сөйлесті

НҰР-СҰЛТАН. ҚазАқпарат - Қазақстан Республикасы Премьер-Министрінің м.а. Әлихан Смайылов Қырғыз Республикасы Министрлер кабинетінің Төрағасы Ақылбек Жапаровпен телефон арқылы сөйлесті. Бұл туралы Үкіметтің сайты хабарлады.

Екі елдің мемлекеттік шекарасындағы ахуал, сондай-ақ Қазақстандағы қоғамдық-саяси жағдай аясындағы Қазақстанның Қырғызстанмен сауда-экономикалық ынтымақтастығының өзекті мәселелері талқыланды.

Тараптар екіжақты және көпжақты форматта стратегиялық әріптестікті одан әрі нығайтуға дайын екендіктерін білдірді.