+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Алға ілгерілеу үшін жетекші саяси күштің, қоғамның бірлігі қажет – Елбасы

2019 жылғы 21 тамыз 11:16
Бөлісіңіз:
Алға ілгерілеу үшін жетекші саяси күштің, қоғамның бірлігі қажет – Елбасы

НҰР-СҰЛТАН. ҚазАқпарат – Алға ілгерілеу үшін жетекші саяси күштің, қоғамның бірлігі қажет. Бұл туралы «Nur Otan» партиясы Саяси кеңесінің кеңейтілген отырысында ҚР Тұңғыш Президенті – Елбасы Нұрсұлтан Назарбаев айтты, деп хабарлайды ҚазАқпарат тілшісі.

«Бүгін біз ел дамуының негізгі бағыттары бойынша біраз мәселе туралы айтатын боламыз. Партия мүшелерінің қатысуымен Саяси кеңестің кеңейтілген отырысына жиналып отырмыз. Үкімет мүшелері, партияның Мәжілістегі фракциясы, облыстардағы филиалдардың жетекшілері қатысып отыр. Биыл партиямыз үшін, еліміз үшін ауқымды жұмыс атқарылып жатқанын білеміз. Екі съезд өткіздік, партиямыздың 20 жылдығын атап өттік. Маусым айында Президент сайлауында біздің кандидатымыз Қасым-Жомарт Кемелұлы Тоқаев жеңіске жетті», - деді отырысты ашқан Елбасы.

ҚР Тұңғыш Президентінің атап өтуінше, халық Тәуелсіздік жылдарында еліміздің билік партиясы атқарған жұмыстардың барлығын көріп отыр.

«Дегенмен, өмір бір орнында тұрмайды. Бәрі өзгеріске ұшырап жатыр. Бүкіл әлемде де саяси партиялар бүгінгі күні жаңа міндеттермен бетпе-бет келуде. Халықаралық тәжірибе көрсетіп отырғандай, тұрақсыздық кезеңінде алға ілгерілеу үшін жетекші саяси күштің ішіндегі, сонымен қатар қоғамдағы бірлік қажет. Онсыз үлкен міндеттерді орындау мүмкін емес. Жаңа саяси жағдайда партияның рөлі айтарлықтай өсе түседі», - деді Нұрсұлтан Назарбаев.

Осыдан кейін Елбасы отырыста «Nur Otan» партиясы алдындағы тұрған міндеттерді сөз етіп, мұнан арғы шараларды талқылауды ұсынды. Отырысқа қатысушылар бұл ұсынысты толық қолдады.

Қазіргі уақытта Үкімет басшысы Асқар Мамин партияның сайлауалды бағдарламасындағы міндеттердің орындалу барысы жайында баяндама жасауда. Ал одан кейін «Nur Otan» партиясы төрағасының бірінші орынбасары Бауыржан Байбек сөз сөйлейді.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT