+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Әлеуметтік қызметке мұқтаж адамдарға маманды таңдау мүмкіндігі берілмек

2021 жылғы 27 қаңтар 22:03
Бөлісіңіз:
Әлеуметтік қызметке мұқтаж адамдарға маманды таңдау мүмкіндігі берілмек

НҰР-СҰЛТАН. ҚазАқпарат – Қазақстанда алдағы уақытта әлеуметтік қызметке мұқтаж адамдарға әлеуметтік қызметкерді таңдау мүмкіндігі берілмек. Бұл туралы Еңбек және халықты әлеуметтік қорғау министрлігінің ҚР-да әлеуметтік қызмет көрсету жүйесін одан әрі жаңғыртудың 2025 жылға дейінгі ұлттық жоспарының жобасында жазылған, деп хабарлайды ҚазАқпарат.

Ұқсас жаңалықтар
Түркістанда жыл басынан бері 124 адамға әлеуметтік қызмет көрсетілген Биыл еңбек саласындағы автоматтандырылған қызметтер үлесі 93 пайызға жеткізіледі Жергілікті атқарушы органдар жас дәрігерлерге әлеуметтік қолдау көрсетпей отыр

«Әлеуметтік қызмет көрсетуге мұқтаж адамдарға арнайы тауарлар мен қызметтерді таңдаумен, қызмет көрсетуді ұйымдастырумен қатар, оларға қызмет көрсететін әлеуметтік қызметкерлерді таңдау мүмкіндігі ұсынылатын болады. Осы мақсатта әлеуметтік қызметкерлердің бірыңғай базасы құрылады. Онда әлеуметтік қызметкерлердің біліктілігі, олар көрсететін қызметтердің түрлері мен сапасы және жұмыс нәтижелері туралы ақпарат қамтылады», - делінген ұлттық жоспардың жобасында.

Бірыңғай база қызмет тұтынушыларына бәсекелестік ортада әлеуметтік қызметкерлерді таңдауға мүмкіндік береді. Әлеуметтік қызметкерлерге деген сұраныс олардың жалақы деңгейінде көрініс табады. Әлеуметтік қызметкерлердің кәсіптік деңгейін арттыру үшін үздіксіз білім беру элементтерін пайдалана отырып, кадрлар даярлаудың көп деңгейлі жүйесі енгізіледі.

Еске сала кетсек Қазақстанда әлеуметтік қызмет көрсету жүйесі жаңғыртылатыны өткен айда хабарланған еді. Қазіргі уақытта елімізде әлеуметтік қызметкерлер тесттен өтіп жатыр. Осы жылдың 5 желтоқсанына дейін шамамен 12 мың адамды сынақтан өткізу жоспарлануда. Тест әлеуметтік қызметкерлердің базалық білім деңгейін анықтау үшін өткізіледі. Содан кейін олар оқытылады.

Құжат жобасы «Ашық деректер» порталында орналасқан.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT