+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Әлеуметтік-еңбек саласында көрсетілетін қызметтер электрондық форматқа көшіріледі

2020 жылғы 25 маусым 12:30
Бөлісіңіз:
Әлеуметтік-еңбек саласында көрсетілетін қызметтер электрондық форматқа көшіріледі

НҰР-СҰЛТАН. ҚазАқпарат - 2020 жылы әлеуметтік-еңбек саласында көрсетілетін барлық қызметтер электрондық форматқа көшіріледі. Бұл туралы ҚР Еңбек және халықты әлеуметтік қорғау министрі Біржан Нұрымбетов айтты, деп хабарлайды ҚазАқпарат тілшісі.

Ұқсас жаңалықтар
Ақылбек Күрішбаев: Аз қамтылған топтар үшін әлеуметтік азық-түлік қорын қалыптастыру қажет Павлодар облысында фермерлер малдың қайда жүргенін смартфон арқылы біледі Премьер-Министр цифрлық технологияларды қолданатын кәсіпорындарды ынталандыру мүмкіндігін пысықтауды тапсырды

Орталық коммуникациялар қызметінде онлайн режимде өткен халыққа есеп беру кездесуі барысында Біржан Нұрымбетов Еңбек және халықты әлеуметтік қорғау министрлігі цифрландыру деңгейі бойынша жетекші мемлекеттік органдардың бірі болып табылатынын атап өтті. Тек 2019 жылдың өзінде ғана әлеуметтік-еңбек саласындағы көрсетілетін қызметтерді электрондық форматқа ауыстыру 2,2 млрд теңгені үнемдеуге мүмкіндік берді.

Мәселен, жұмыспен қамту және жұмысқа орналастыру саласында «Электрондық еңбек биржасы» және «Электрондық еңбек шарттары» жобалары іске асырылуда. Бүгінгі таңда «Электрондық еңбек биржасы» 214 мың жұмыс берушіні, миллиондай жұмыс іздеушіні, Coursera онлайн білім беру платформасы арқылы 1,5 мың сағатқа жуық тегін сабақты қамтиды.

«Электрондық еңбек биржасы» арқасында 1,2 млн-нан астам адам жұмыс таба алды. Олардың ішінде 868 мың адам тұрақты жұмыс орындарына, 341 мыңы уақытша жұмысқа орналастырылды», – деді министр.

Ал «Электрондық еңбек шарттары» жобасына 35 мың ұйым қосылған. Қазіргі уақытта 1,4 млн электрондық шарт тіркелді. Бұл жұмыскерлердің еңбек құқықтарын қорғауға ықпал ететін болады.

«2019 жылдың басында мемлекеттік қызметтерді автоматтандыру бөлігінде электрондық қызметтердің үлесі 42 пайызды құрап еді. 2019 жылдың қорытындысы бойынша ол 83 пайызға артты. Мұндай өсімге Еgоv порталындағы 6 мемлекеттік көрсетілетін қызметті орналастыру және 10 қызметті белсенді форматқа ауыстыру арқылы қол жеткізілді. 2020 жылдың соңына дейін біз электрондық қызметтердің үлесін 100 пайызға жеткізуді жоспарлап отырмыз», – деді Біржан Нұрымбетов.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT