+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Әлемге танымал The Lancet журналында «QazVac» вакцинасы туралы мақала шықты

2021 жылғы 14 тамыз 13:33
Бөлісіңіз:
Әлемге танымал The Lancet журналында «QazVac» вакцинасы туралы мақала шықты

НҰР-СҰЛТАН. ҚазАқпарат - The Lancet журналында «QazVac» вакцинасы туралы мақала жарияланды. Бұл туралы Білім және ғылым министрі Асхат Аймағамбетов желіде жазды, деп хабарлайды ҚазАқпарат.

Ұқсас жаңалықтар
Асхат Аймағамбетов мектептерде қандай өзгерістер болатынын айтты Асхат Аймағамбетов: Балабақшаларда баланы дамытудың жаңа моделі енгізіледі

«EClinicalMedicine published by The Lancet журналы отандық «QazVac» вакцинасын клиникалық зерттеудің 1-2 фазасының нәтижелері туралы мақаланы қабылдап, электрондық нұсқасын басып шығарды. Биологиялық қауіпсіздік проблемаларының ғылыми-зерттеу институтының ғалымдарын мақаланың жариялануымен құттықтаймын!», - деді министр.

Айта кетейік, өткен жылдың наурыз айында елімізде коронавирус індетіне байланысты қатаң карантиндік шаралар қабылданған болатын. Сол кезде Мемлекет басшысы Қасым-Жомарт Тоқаев еліміздің Биологиялық қауіпсіздік мәселелері жөніндегі ғылыми-зерттеу институтының ғалымдары алдына вирусқа қарсы вакцинаны шұғыл әзірлеу тапсырмасын жүктегені де есте. Ал бүгінде ғалымдарымыз қысқа ғана уақыттың ішінде әзірлеген отандық «QazVac» вакцинасы адамдарға егіліп жатқаны белгілі.

QazVac вакцинасы - ҚР Білім және ғылым министрлігінің Биологиялық қауіпсіздік мәселелері жөніндегі ғылыми-зерттеу институты әзірлеген COVID-19-ға қарсы белсенділігі жойылған вакцина.

Инактивтендірілген вакцина дәстүрлі және тиімді болып саналады, оны дайындау технологиясы күрделі емес әрі вакциналардың басқа түрлеріне қарағанда қауіпсіз. Сондықтан қазақстандық ғалымдар инактивтендірілген вакцина жасау туралы шешім қабылдады.

Жақында Биологиялық қауіпсіздік мәселелері ғылыми-зерттеу институтының бас директоры Күнсұлу Зәкария QazVac вакцинасының тиімділігі туралы пікір білдірді.

Маман QazVac вакцинасына жасалған сынақтың III фазасы екпенің тиімділігін көрсеткенін айтады.

The Lancet –жалпы медициналық апталық журнал. Медицина бойынша ең танымал әрі беделді журнал болып саналады. The Lancet 1983 жылдан бері басылып келеді.
Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT