Әлемдік рейтинг: Елена Рыбакина жылды 21-орынмен аяқтады

АСТАНА. ҚазАқпарат – Кәсіби теннисшілер қауымдастығы (ATP) және Әйелдер теннисі қауымдастығы (WTA) жылдың қорытынды рейтингісін жария етті, деп хабарлайды ҚазАқпарат тілшісі.

Қазақстан теннис федерациясынан мәлім еткеніндей, Қазақстанның бірінші ракеткасы Елена Рыбакина жаңа жылды 21-орынмен бастайды.

Юлия Путинцева рейтингіде 54-тен 51-ке көтерілді. Жұптық сында Анна Данилина 11-орнын сақтап қалды.

WTA-ның 26 желтоқсандағы рейтингісі:

21 (0). Елена Рыбакина.

51 (+3). Юлия Путинцева.

441 (0). Жібек Құламбаева.

588. (0). Гөзал Айнитдинова.

1031 (+2). Зарина Дияс.

1188 (+6). Аружан Сағындықова.

Ерлер арасында Қазақстанның үздік ракеткасы жылды 37-орынмен аяқтайды. Тимофей Скатов, Михаил Кукушкин және Бейбіт Жукаев өз көрсеткіштерін жақсартты.

ATP-ның 26 желтоқсандағы рейтингісі:

37 (0). Александр Бублик.

142 (+3). Тимофей Скатов.

188 (+1). Михаил Кукушкин.

292 (-8). Денис Евсеев.

308 (+2). Бейбіт Жукаев.

330 (-6). Дмитрий Попко.

Жұптық сында Андрей Голубеев 47-інші, Александр Недовесов 50-орында тұр. А.Голубев пен А.Недовесов Аустралия ашық чемпионатын қосқанда, алдағы қаңтардағы жарыстарда бірге өнер көрсетеді. Григорий Ломакин Мысырда ITF M15 турнирінде чемпион атануы нәтижесінде жұптық сында рейтингіде 205-сатыға жайғасты.

Еске сала кетейік, бұдан бұрын Елена Рыбакинаның Дубайдағы командалық турнирдің жеңімпазы атанғанын жазған болатынбыз.

Фото: sports.kz