Әлемдегі ең көп титулға ие футболшы «Сан -Паулу» клубында ойнаудан бас тартты

НҰР-СҰЛТАН. ҚазАқпарат - «Сан -Паулу» клубының бразилиялық қорғаушысы Дани Алвес жалақы қарызына байланысты клубта ойнаудан бас тартты. Бұл туралы ҚазАқпарат команданың сайтына сілтеме жасап хабарлайды.

Баспасөз мәслихаты кезінде Сан -Паулудың спорттық директоры Карлос Белмонте Альвестің команда үшін ойнауға ниеті жоқ екенін растады. Бұл туралы әлемдегі ең көп титулға ие футболшының өкілдері басшылыққа мәлім еткен. Белмонте клуб басшылары Альвеспен келіссөз жүргізуге тырысқанын айтты, бірақ ол бас тартқан. «Осыған байланысты Альвес енді біз үшін ойнамайды деп шештік», - деп қорытындылады ол.

O Globo хабарлағандай, клуб Альвеске 2 миллион доллар төлеуі тиіс. Футболшы клубта 2019 жылдан бері ойнайды.

Альвес – атақты футболшы. Оның есебінде 46 титул бар. Бразилиялықтың мансабындағы ең сәтті кезең - Барселона, Каталониядағы ойындары. Көгілдір анар құрамында ол алты рет Испания чемпионатын, төрт рет Испания кубогын, төрт рет ел Суперкубогын, үш рет Чемпиондар лигасы мен УЕФА Суперкубогын, үш рет клубтар арасындағы әлем чемпионатын жеңіп алды.

Альвестің Сан -Паулуға оралғанға дейінгі соңғы еуропалық клубы Пари Сен-Жермен болды. Париждіктердің құрамында ол алты титулдың иегері атанды.