Әлем кубогы кезеңі: Қазақстандық шорт-трекшілер төртінші орын алды

None
None
НҰР-СҰЛТАН. ҚазАқпарат – Жапонияның Нагоя қаласында шорт-тректен мәреге жеткен әлем кубогының үшінші кезеңінде Қазақстан ерлер құрамасы эстафеталық сында төртінші орынға ие болды, деп хабарлайды ҚазАқпарат тілшісі.

Қазақстандықтар 5 мың метрлік эстафетада А финалында Қытай, Оңтүстік Корея және Ресей құрамаларымен сынға түсті.

Үздік көрсеткіш көрсеткен қытайлықтар жеңімпаз атанса, кореялықтар екінші, ресейліктер үшінші орынға ие болды.

Қазақстанның еңбек сіңірген жаттықтырушысы Мәдіғали Қарсыбеков жаттықтыратын шорттрекшілердің үздік төрттіктің қатарына ілігуінің өзін жақсы табыс деп есептеуге болады.

Жекелей қашықтықтарда қазақстандықтар В финалында ғана өнер көрсете алды.

Енді әлем кубогының төртінші кезеңі 6-8 желтоқсанда Шанхай қаласында өтеді.

Мұның бәрі алдағы жылғы әлем чемпионатына, сондай-ақ 2022 жылы Бейжіңде өтетін қысқы Олимпиадаға дайындық болып есептеледі.

Еске сала кетейік, бұдан бұрын Қазақстан ерлер құрамасының жүлделі орын таласатынын жазған болатынбыз.

Соңғы жаңалықтар