Әлем кубогы: Қазақстандық конькишілер үздік нәтижелерін көрсетті

АСТАНА. ҚазАқпарат -  Жапонияның Томакома қаласында конькимен жүгіру спортынан әлем кубогінің екінші кезеңі өз мәресіне жетті, деп хабарлайды ҚазАқпарат тілшісі.

ҚР Ұлттық олимпиадалық комитетінің баспасөз қызметінен мәлім еткендей, аталған әлемдік сында Қазақстан спортшылары маусымдағы ең жоғары көрсеткішке қол жеткізді. Ф. Мезенцев, Д. Кузин және И. Аржаников үштігі командалық спринтте жетінші орыннан көрінді.

1000 метрге жүгіруден әйелдер арасындағы сында Е. Айдова 11-ші орынды иеленсе, осы қашықтықта В дивизионында сынға түскен И.Аржаников 5-ші сатыдан көрінді.

2013 жылғы әлем чемпионы Денис Кузин 1000 метрге жарысушылар арасында - жетінші, Кленко сегізінші орын алды.

5000 метрге жүгіруден В дивизионында өнер көрсеткен Б. Морозов - оныншы, Щиголев 15-ші орында.