Әлем чемпионына көпшілік алдында тұрмысқа шығу туралы ұсыныс жасалды

АСТАНА. ҚазАқпарат - Түркия спортшысы Ясмин Адарға финалдық жеңісінен кейін тұрмысқа шығуға ұсыныс жасалды, деп жазады NTV түрік порталы.

Парижде өтіп жатқан спорт күресі бойынша әлем чемпионатының финалында жеңіске жеткеннен кейін, күйеу жігіт көпшілік алдында Ясмин Адарға тұрмысқа шығу туралы ұсыныс жасады.

Порталдың хабарлауына қарағанда, Ясминнің жүрек қалаулысының есімі Эрдем Йигит. Ер адам сүйгеніне гүл шоқтарын ұсынып, тізерлеп отырып, мыңдаған көрерменнің алдында сөз салды. Қыз «иә» деп жауап берді.