Әлем чемпионаты: Қазақстандық 9 боксшының жүлдегер атануға мүмкіндігі бар
Қазақстан Бокс федерациясы таратқан ақпаратқа сәйкес, бүгін шаршы алаңға 60 келі салмақ санатында жұдырықтасатын боксшымыз Санатәлі Толтаев шығып, өзбекстандық Билобек Мирзарахимовпен жұдырықтасады. Ал 75 келіде Бек Нұрмағанбет австралиялық Джек Гиппен айқасатын болады.
Айта кетерлігі, кеше қазақстандық Евгений Павлов (49 келі) кубалық Жоржи Гринанға есе жіберіп қойған еді. Ал Айдос Арапов (52) ресейлік Николай Матвеевті, Саматәлі Толтаев (56 келі) ирландтық Джеймс Куланды жеңген болатын.
Осылайша, бір боксшымыз жарыс жолынан шығып қалса, 9 боксшымыз алдағы уақытта жүлделі орындар үшін шаршы алаңға көтерілетін болады. Әлем чемпионатының жартылай финалы 25 қарашада, ақтық кездеулер 26 қарашада өтеді.
Жалпы, бұл жолғы әлем чемпионатына әлемнің 62 елінен 351 жас боксшы келіп отыр. Оның ішінде Қазақстан, Ресей, Қытай, Өзбекстан боксшылары барлық салмақ санатында өнер көрсетуде.