22:30, 04 Қазан 2021 | GMT +6
Әлем бойынша Facebook, Instagram және WhatsApp желілері істемей қалды
НҰР-СҰЛТАН. ҚазАқпарат – Әлем бойынша Facebook, Instagram және WhatsApp желілерінің жұмысында ақау пайда болды, деп хабарлайды ҚазАқпарат тілшісі.
Downdetector-дың жазуынша, Facebook, Instagram және WhatsApp желілері АҚШ, Ұлыбритания, Италия, Канада, Франция Германия сияқты елдерде жұмыс істемей қалған.
Қазақстандықтар да аталмыш әлеуметтік желілерді пайдалана алмай жатқаны туралы Telegram-каналдарда жазып жатыр.
«Кейбір пайдаланушылар біздің қосымшаларымыз бен өнімдерімізге қол жеткізуде қиындықтарға тап болатынын білеміз. Біз бәрін тезірек түзету үшін жұмыс істеп жатырмыз және қолайсыздықтар үшін кешірім сұраймыз», - делінген Facebook-тің Twitter-дегі парақшасында. Осыған ұқсас мәлімдеме WhatsApp және Instagram беттерінде жарияланды.Аталмыш үш әлеуметтік желі америкалық Facebook компаниясына тиесілі.