«Әлем барысы» халықаралық турнирі тікелей эфирден көрсетіледі

НҰР-СҰЛТАН. ҚазАқпарат - 2 желтоқсан күні Алматыда «Балуан Шолақ» атындағы спорт сарайында ҚР Тұңғыш Президенті күніне орай қазақ күресінен түйе палуандар арасында «Әлем барысы» турнирі өтеді.

Ұқсас жаңалықтар

Елімізде Қазақ күресі академиясы ашылуы мүмкін

Қазақ күресі елордадағы бес мектептің бағдарламасына енгізіледі Елордада Қазақ күресінен VIII Әлем біріншілігі өтіп жатыр Алик Шпекбаев Дүниежүзілік «Қазақ күресі» федерациясының президенті болып сайланды

Халықаралық палуандар жарысын «Qazaqstan» және «Qazsport» арналары тікелей эфирде көрсетеді.

IV Әлем чемпионатына 30 елден келген 33 палуан қатысады. «Әлем барысы» атағы үшін АҚШ, Австралия, Әзербайжан, Бразилия, Грекия, Грузия, Үндістан, Иран, Испания, Италия, Қырғызстан, Моңғолия, Нидерланды, Пәкістан, Польша, Ресей, Тәжікстан, Түрікменстан, Түркия, Өзбекстан, Украина, Эстония, Жапония елдерінің және Қазақстанның атақты палуандары бақ сынайды.

Байрақты бәсекеде ел намысын Айбек Нұғымаров, Руслан Әбдіразақов, Мақсат Исағабылов және Нұрдаулет Жарылғапов қорғайды.

Чемпионаттың биылғы жүлде қоры 20 миллион теңгені құрайды. Жеңімпаз атанған палуан 10 млн теңге және алтын белбеу, екінші орын иегері 6 млн теңге, күміс белбеу, үшінші орын иегері 3 млн теңге, күміс белбеумен марапатталады. Ал, «Жеңіске деген жігері үшін» аталымы бойынша 1 млн теңге табысталады.

«Qazaqstan» және «Qazsport» арналары жарысты сағат 13:00-ден бастап тікелей эфирде көрсетеді.