+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алексей Цой жалған вакциналау паспорты туралы: Кімді алдап жатыр

2021 жылғы 11 қазан 13:29
Бөлісіңіз:
Алексей Цой жалған вакциналау паспорты туралы: Кімді алдап жатыр

НҰР-СҰЛТАН. ҚазАқпарат – Бүгін Мәжілістегі Үкімет сағатында Денсаулық сақтау министрі Алексей Цой вакциналаудың жалған паспорттарын сатып алуға қандай тосқауыл қойылып жатқанын айтты, деп хабарлайды ҚазАқпарат тілшісі.

Ұқсас жаңалықтар

«Жұмысына адал қарамайтын әріптестеріміз де бар екені өкінішті. Бұл тұрғыда «бизнестің индустриясы» байқалды. Осы орайда біз осы мәселені шешу үшін бірінші болып бастама жасап, құқық қорғау органдарынан жедел жұмыстарды жүргізуді сұрадық. Яғни салада өзі ісіне адал емес әріптестерімізді анықтау керек болды. Бұл ретте 90-нан астам қылмыстық іс қозғалды, оның жартысынан астамы ПТР-тест нәтижелерін қолдан жасауға, ал қалғаны вакциналау паспортына қатысты. Әрбір пункт бойынша тексеріледі. Сот шешімі шыққаннан кейін, барлық жалған паспорттар базадан өшіріледі. Бірқатар ұйымдарда камералар орнатылды. Сонымен қатар ішкі қадағалау бар, медициналық ұйымдар өздері де тексеру жүргізеді», - деді А. Цой.

Осы орайда ол вакцина алу арқылы індеттің таралуын тежеуге мүмкін болатынын айтты. Сонымен қатар, КВИ-дің жеңіл өтуіне жағдай жасалады.

«Шынын айтқанда, бұл мәселеге қатысты халыққа түсіндіруге тырысып жатырмыз. Адамдар өзін-өзі (жалған паспорт арқылы) алдап жатыр. Денсаулығын қорғамайтын қағазды сатып алғаннан не пайда? Кімді алдап жатыр?!», - деді министр.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT